UGARTE OTXOTEA
... Amurrioko kantuzale batzuk bertan zirela, erronka bota zioten euren buruari. "Baietz kalez kale kantuketan herria girotzen kapazak garen!. 2017ko urtarrilean egin genuen lehenengo entsaioa Ugarteko txoko batean (Hortik datorkio Ugarte izena otxoteari). Ilusio handiarekin eta pretensio eta ezagutza handiegirik gabe 8 bat gizon hasi ginen euskal abestiak ikasten.
Beranduxeago partaide gehiago sartu ziren, tartean musikari eta abesbatzetan esperientziadun batzu, eta poliki poliki ikasten ari gara hobeto egiten eta gehiago disfrutatzen. Egun 14 inguru gaude eta astero-astero ia hutsik egin gabe elkartzen gara. Hasierako helburua, kaleak euskal abestiez girotzen ondo pasatzea, lortzen ari garela uste dugu. Ateratzen garenetan gurekin abesten animatzen zaituztegu.
