Araba Euskaraz eta Gauekoak elkarteen federazioaren eskutik, Zinaldian aurkeztutako "Jainkoak ez dit barkatzen" filmaren aurkezpena burutuko da abenduaren azaroaren 28an Gasteizko Florida zinemetan.
Lezo Urreiztieta XVI. mendeko pirata bat zen, okerrez 1907. urtean jaioa. Bere bizia arriskuan jarri, eta ehunka pertsonena salbatu zuen; Euskal Herriaren askatasuna negoziatu zuen atzerritar gobernuekin; Bilbon armaz betetako 17 itsasontzi sartu zituen Gerra Zibilean; Franco akabatzear egon zen… Hura hil eta berrogei urtera, Martin Ugalde idazlearen magnetofonoak haren istorio sinestezina ezagutaraziko digu, protagonistaren beraren ahotsaren bitartez. Elkarrekin 1975. eta 1978. urteen artean izandako elkarrizketa batzuk harturik abiaburu, film honek argitara aterako du XX. mendeko euskal historian funtsezkoa izan zen norbaiten lekukotza.
Josu Martinez EHUko Ikus-entzunezko Komunikazio saileko ikerlaria da, eta hizkuntza gutxituak eta ikus-entzunezko komunikabideak aztertzen dituen NOR taldeko kidea. Itsasoaren Alaba (2009), Sagarren denbora (2010), Prohibido recordar (2010) eta Gure Sor lekuaren bila (2015) dokumentalak zuzendu ditu, guztiak Donostia Zinemaldian estreinatuak. Era berean, Barrura begiratzeko leihoak (2012) kolaborazio-dokumentalean parte hartu zuen. Aurten Ama film aburra zuzendu du, Donostiako Kimuak saileko katalogoan proiektatuko dena.
<iframe width="560" height="315" src="https://www.youtube.com/embed/Pf2TuMIWn3s" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
