Helburuak

1981.ean egin zen lehenengo Araba Euskaraz eta euskaltzale ugari batzen duen euskararen aldeko jaialdia urteroko hitzordua bihurtu da. Urteak joan eta urteak etorri Araba Euskarazek bere sortzeko arrazoiei eusten die: Arabako Ikastolen jaialdia izatea, Ikastolaren hezkuntza proiektua ezagutzera ematea eta erronka berriei aurre egiteko baliabideak eskuratzea.

  • Ikastolen jaiaAraba Euskaraz eta ikastolen beste jaiak, ikastola proiektua ezagutarazteko, garatzeko eta dituen premiei erantzuteko egiten dira.
  • Euskara eta euskal kulturaAraba Euskaraz eta ikastolen beste jai guztiak euskaratik eta euskaraz sorturiko jaiak dira, eta euskara eta euskal kultura bultzatzen dituzte.
  • AuzolanaAuzolana da Araba Euskarazen oinarria. Ikastola komunitatearen beste ikastolen eta herriko eta eskualdeko eragileen elkarlanari esker egiten da.
  • Parte-hartzaileaAdin guztietako pertsonei zuzendutako jai parte-hartzailea da. Parekidetasuna, jasangarritasuna eta inklusioa bultzatzen ditu.